Dialuna madruga a drenta informe di un problema di pareha cu lo a escala te bay for di man unda hasta agresion a cay, mesora a dirigi tanto polis como ambulans na e sitio. Na yegada di e ambulans na un dado momento hasta cu e personal di ambulans a cuminsa lanta y a pidi polis cu mas urgencia. Na yegada di polis ya tur cos a calma y a bin logra haya sa cu tabata trata di un discucion entre un pareha turista unda un dama a keda herida. Ambulans a atende e dama y a transporte pa hospital. Na e sitio mes ningun hende kier a bisa kiko a pasa pero polis a wak maleta cu paña cla poni cual muy probablemente lo bandona Aruba pronto.