Diadomingo madruga a drenta informe di cu tin un persona tur na sanger na e bushalte dilanti di misa di Noord, mesora a dirigi un patruya na e sitio. Na caminda pa e sitio a drenta otro informe di cu un persona den un pick-up a para p’e subi y tabata hibando e pa hospital. Polis a logra para e pick-up aki na Bubali. Mirando cu e ta sangrando hopi polis a pidi presencia di ambulans na e sitio cu urgencia. Eynan e victima a bisa polis cu el a haya problema cu hende entre bar club y carwash. Polis a ripara cu ta 2 kap e tin y ningun rasca esey a pone polis duda y a laga recherche y e investigadornan technico y forensyco bay na e sitio di e suseso banda di e botica pa inicia cu e investigacion. Na yegada di ambulans nan a atende y a transporte pa hospital. Na e bushalte a bin encontra cu plasnan di sanger y banda di e carwash a haya sanger y botter kibra riba vloer tambe bushalte dilanti misa unda a haya evidencianan di un tas cu basta droga den dje.