Diadomingo anochi a drenta informe di cu lo tin dos persona desde atardi lo ta para banda di caminda na Sabana Basora. Mesora a dirigi un patruya na e sitio. Na yegada di e patruya bin compronde cu personanan local lo a trese e dos of mas persona di Colombia y lo a gaña nan cu nan lo gana un cierto suma di placa y comission. Segun declaracion nan lo no a haya nada di e placa. Tampoco nan lo no a haya un permiso pa keda Aruba. Si nan a mustra un contracto y hasta papel cu supuestamente nan a haya di imigracion pa nan keda na Aruba, nan a bisa 6 luna y den nan declaracion nan a menciona dos nomber. Polis a transporta e personanan cu tabata banda di caminda pa Warda di Polis pa asina nan entrega keho oficialmente.