Diadomingo anochi a drenta informe di un accidente cu hende herida na Santa Cruz, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un homber di edad cu a bay crusa e caminda poco poco y sin tene na cuenta cu e auto tabata bini cu velocidad halto y a dal e homber y a sigi core bay. Na yegada di e ambulans nan a atende e victima y a transporte cu urgencia pa hospital. Polis di trafico ta investigando e accidente aki y lo bay revisa tur e camaranan di seguridad den cercania pa asina logra haya sa cual auto e ta y su number.