Diabierna anochi a drenta informe di un accidente unda auto a bolter y tin hende herida y pega den e auto na Sasakiweg, mesora a dirigi tanto polis, ambulans y e equipo di rescate di bombero na e sitio. Na yegada di e patruya a bin compronde cu aki ta trata di un accidente unda un suv coriendo cu velocidad a perde control bolter bay cay entre e camindanan 2 persona cu tabata den e auto a resulta herida y tabata pega den e auto. Na yegada di e ambulans nan a cuminsa atende e victimanan. Na yegada di e equipo di rescate di bombero a inicia e trabaonan pa libera e victimanan atrapa den e vehiculo. Unabes libera ambulans a stabilisa y transporta e victimanan pa hospital.