Muchanan cu a keda nan so na cas a spanta y a core bay na bisiñanan pa ayudo ora ladron a drenta nan cas na Washington

Diaranzon anochi a drenta informe di cu 2 mucha menor di edad cu a keda nan so na cas a yega na Bini Bini Lottery pa bati alarma cu tin un ladron den nan cas y cu nan a sali for di e porta patras bay busca ayudo. Mesora a dirigi patruya na e sitio. Na yegada di e patruya a bin compronde cu e muchanan a spanta y a core bay bati alarma. Polisnan a bay na e cas pero ya e ladron lo a bandona e sitio. Polis a tuma e descripcion y esaki a bin mustra claramente cu aki lo ta trata di Giovanny Perez. Mas despues den anochi polisnan a topa cu e sospechoso y a detene hibe warda di polis na Shaba.

Share:

Leave a Reply

Your email address will not be published.