![](https://www.awe24.com/wp-content/uploads/2020/02/0AF44B53-A39A-4023-95D8-C8541AC48D46-640x334.jpeg?v=1581767291)
Diasabra mainta despues di e Jouvert Morning polisnan cu tabata controla banda di la Granja na Savaneta a duna un Hummer pick-up preto un instruccion pa para pero e chauffeur no a cumpli cu e instruccion y a sigui core y por poco a atropeya un oficial, mesora algun oficial di e brigada motoriza a bay su tras y a start un persecucion bayendo direccion pabao na rotonde ex-Drive Inn e vehiculo a coy direccion nort rumbo pa Santa Cruz. Ta na altura di Shahai polis den un forma tactico a pone un fin na e persecucion aki unda e Hummer a bay dal riba e patruya cu tabata tin e caminda blokea. Eynan a start un pelea unda cu polisnan mester a haci uso di forza excessivo pa logra domina un di e pasaheronan y a logra detene tanto e chauffeur como e otro 2 ocupantenan.