Diadomingo for di oranan di atardi a surgi un problema entre famia na Kiviti polis a bay y a atende e problema, ora a kere cu e problema a termina den oranan di anochi ora a drenta informe di cu un persona a ser hinca den pecho, mesora a dirigi patruya na e sitio. Na yegada di e patruya a bin compronde cu e victima a bay den auto particular caba y nan a bay cu un otro persona cu lo a ser maltrata na un otro adres y a pidi un ambulans p’e. Na yegada di e ambulans nan a atende na e sitio mes. Polis a pidi pa e investigadornan technico y forensyco como tambe recherche pa bin investiga.