E Leonnan di Aruba One Happy Island Lions Club ta invita henter comunidad, un y tur, grandi, hoben y nos muchanan, como tambe nos deportistanan y esnan cu tin caminata y coremento como hobby. Diaranzon dia 12 di juni bo por busca bo T-Shirt, for di 5:00 PM – 7:30 PM na Sandra’s Garden, pa asina bop or participa diasabra 15 di juni 2024 den e prome LIONS 5K FUN RUN WALK cu lo tuma luga na Eagle Beach.

E evento aki cu lo inicia pa 7 or di mainta diasabra awo lo ta un dia di recreacion, fitness, conscientisacion, diberticion, union y amistad pa un y tur, famia, colega, deportistanan y tur esnan cu ta desea di pasa un rato agradabel y cana of core e 5 kilometer..

Ainda por registra via e app, door di scan e Qr-Code of bishita e link https://5k.pro.aw/ y por haci pago on-line na Aruba Bank, Fundacion Aruba One Happy Island Lions Club 6005880190, Specificacion “FRW2024 y nomber”. Si bo no por participa, bo por haci bo donacion via banco (e mesun cuenta) y contribui cu Aruba One Happy Island Lions Club.

“𝗘 𝗟𝗘𝗢𝗡 𝗧𝗔 𝗕𝗥𝗨𝗟”

𝗧𝗶𝗻 𝘂𝗻 𝘂𝗻 𝘀𝗽𝗲𝗰𝗶𝗮𝗹, 𝗠𝗮𝗺𝗮 𝘆 𝗧𝗮𝘁𝗮 𝗰𝘂 𝗿𝗲𝗴𝗶𝘀𝘁𝗿𝗮 𝗵𝘂𝗻𝘁𝗼 𝘆 𝘁𝗮 𝗵𝗮𝘆𝗮 𝗶𝗻𝘀𝗰𝗿𝗶𝗽𝗰𝗶𝗼𝗻 𝗴𝗿𝗮𝘁𝗶𝘀 𝗽𝗮 𝘂𝗻 𝘆𝗶𝘂. 𝗔𝗱𝗲𝗺𝗮𝘀 𝘀𝗶 𝘁𝗶𝗻 𝗼𝗿𝗴𝗮𝗻𝗶𝘀𝗮𝗰𝗶𝗼𝗻 𝘆/𝗼 𝗰𝗼𝗺𝗽𝗮𝗻𝗶𝗮 𝗰𝘂 𝘁𝗮 𝗱𝗲𝘀𝗲𝗮 𝗱𝗶 𝗽𝗮𝗿𝘁𝗶𝗰𝗶𝗽𝗮, 𝗴𝗿𝘂𝗽𝗼 𝟭𝟬+, 𝗻𝗼𝘀 𝘁𝗮 𝗲𝗻𝘁𝗿𝗲𝗴𝗮 𝗲 𝗧-𝗦𝗵𝗶𝗿𝘁𝗻𝗮𝗻 𝘁𝗲 𝗻𝗮 𝗽𝗼𝗿𝘁𝗮 𝗱𝗶 𝗰𝗮𝘀 𝗼𝗳 𝗰𝗼𝗺𝗽𝗮𝗻𝗶𝗮.

Lo tin varios premio. Tambe por tuma contact cu miembronan di “Aruba One Happy Island Lions Club” of bishita nos Facebookpage of whatsapp 562-9129.

Registra, Participa y Coopera pa nos por sigui brinda ayudo na esnan den comunidad cu ta den necesidad. E ta pa un bon causa.