Diamars madruga a drenta informe di un accidente cu hende herida y pega den auto dilanti di Crown na L.G. Smith blvd., mesora a dirigi tanto polis como ambulans y e ekipo di rescate di bombero na e sitio. Na yegada di e patruya a bin compronde cu e chauffeur di e Infinity Q50S A70212 a bay banda robes di caminda, baha caminda y bay stret dal riba un palo di lus y un troncon di kwihi, e chauffeur tabata inconciente. Na yegada di e ambulans nan a nota cu e chauffeur tabata pega den e auto. Na yegada di e ekipo di rescate di bombero a cuminsa corta e auto pa asina libera e chauffeur. Unabes libera e personal di ambulans a atende e victima y a transporte pa hospital.