Ministerio Publico a exigi awe un castigo incondicional di cuater aña den e caso contra e sospechoso J.E.P.T., asina como tambe un prohibicion pa core auto pa un periodo di cinco aña. E homber P.T. ta acusa di a provoca un accidente di trafico fatal na Calbas riba 24 di mei 2024, como consecuencia di cual pa su culpa un motociclista a perde su bida.

Na opinion di Ministerio Publico, ta keda fuera di tur duda cu e accidente di trafico aki ta debi na cu P.T. no a duna preferencia na e otro banda di caminda, na cual a bay dal frontalmente contra e motorcycle di e victima. E Ministerio publico ta considera proba cu e sospechoso a participa den trafico di un forma masha imprudente y tambe tabata bao influencia di e efectonan di alcohol como tambe tabata stuur sin rijbewijs.
Su rijbewijs a ser confisca pa Ministerio Publico apenas un aña prome, despues di cu P.T. a ser condenado pa core auto bao influencia,

E tribunal lo dicta sentencia riba 7 di februari d1 2024.