Pa algun dia caba cu comunidad tabata raporta cu tin un persona den vecindario di Misa di Playa como tambe den cercania di scolnan ta expone su mes sunu den e area. Por a compronde cu e persona aki lo tabata baña sin importa cu hende/ mucha lo tabata presencia esaki. Autoridad a cuminsa un buskeda y diamars mainta a bin topa cu ne. Al parecer e persona aki lo ta indocumenta / ilegal riba nos Isla. E ta un persona di habla spaño, cu a cuminsa traha un luga pa e drumi den hanchi patras di Misa di Playa. Polis a presenta y detene e persona. Por a tuma nota di un corchon, algun pertenecia pero por a conclui cu e persona aki lo ta ambulando rond sin caminda di keda. Autoridad lo tin cu evalua/ dicidi si ta deporta e persona aki. Mientrastanto lo a transporta e persona aki warda di Polis y/o Warda nos Costa pendiente cualkier decision.
Algo cu sigur a hala hopi atencion cu e persona aki lo tabata haci su limpiesa personal den bista publico. Comunidad ta atento y ta tuma contacto mes ora cu autoridad pa haci algo cu e situacion inusual aki.
