Diamars mainta a drenta informe di un incidente na un agencia na Schotlandstraat, mesora a dirigi tanto polis como ambulans na e sitio. Na yegada di e patruya ya caba ambulans tabata na e sitio y cla pa transporta e victima. Locual por a compronde na e sitio ta indica cu a bau move e container cu keeshi di un banda pa e otro banda y un trahador a mira cu e waya di e container tabata colga net ora esaki ta saliendo y a bay dreche pero net na e momentonan ey e chauffeur di e trekker a bay reverse pa e tuma e bocht bon si sa cu e trahador tabata patras y a press e contra e muraya. Na e sitio tabata tin 2 ambulans y nan a atende e victima y a transporte cu urgencia pa hospital. Ta trata aki di un trahador di 35 anja.
