Dama bao influencia a ser deteni depues di a purba corta otro pero a herida su mes

Un tiki promer cu 12’or di anochi, patruya di Polis a bai pa un establicemento conoci den Santa Cruz unda un dama mester a sali herida door cortamento di botter. Na e sitio e dama tabata sinta pafo y tabata basta emociona. En berdad e tabata tin algun corta na su curpa pero danki Dios nada di gravedad. Segun informacion na e sitio, e dama lo a trata di herida otro personanan promer, pero na final a sali herida su mes. Door cu e sagramento tabata minimo, ambulance su presencia no tabata nesecario. Pa protecion di otro y pa e dama mes, Polis a detene y hibe warda pa preveni mas problema.

Share:

Leave a Reply

Your email address will not be published.