Dialuna mainta a drenta informe di un accidente cu hende herida na Sabana Liber, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di un Hyundai Elantra no a regula su velocidad ni distancia teniendo cuenta cu e caminda ta muha a bay purba brake pero a slip baha caminda na man drechi perde control dal e bumper di patras di un Honda Accord di direccion contrario sigui bay dal frontal riba un Suzuki Swift di direccion contrario debi na e impacto ey a bira di banda dal e patras di e Mazda su dilanti manda esaki bay dal un Toyota Vitz cu tabata dilanti e Mazda. Den e impactonan aki e Swift a cuminsa huma y e airbagnan a “deploy” dal e dama den cara. E dama a spanta y tabata guli e huma cu tabata sali for di e motor di e auto. Nan a yuda saca e dama for di e auto. Na yegada di e ambulans nan a atende e dama herida pero e mes no tabata desea di bay cu ambulans pa hospital.