Diahuebs atardi a drenta informe di un accidente unda un auto lo a bolter na Lucianitastraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Chevrolet Trax a perde control, baha caminda, dal un palo di lus, dal un cura di cas y kentel. Na yegada di e ambulans a bin compronde cu afortunadamente no tin hende herida.
