12 Ora di Aruba 2025, un emocionante careda di resistencia riba bicicleta “Mountain Bike” y un fin di siman di ciclismo familiar cual ta tumando lugar diabierna 9 y diasabra 10 di mei, na e spectacular Seroe Crystal. E evento aki di 2 dia ta reuni e emocion di careda di resistencia competitivo cu e alegria di ciclismo hubenil, tur cos demarca den e impresionante paisahe desertico di Aruba. Diasabra 10 di mei, e ciclistanan a pone nan limite na prueba den e careda di “mountain Bike” di 12 ora atravesando nan tecnica den e subidanan y pasadanan “offroad” cu bistanan impresionante. E tabata un dia completo di determinación, “trabao den ekipo y adrenalina tanto pa competidornan como pa e espectadornan. Diabierna tabata tin e “Striders Race”, diseña pa e hobennan den ciclismo (edadnan 2–3). Por a mira wielnan chikito, comienso tambaleante y enorme sonrisanan mientras e chikitinan a core e circuito cu nan bicicleta. Diasabra mainta a habri e dia cu caredanan infantil, dunando bonbini na e hobenan di tur nivel segun nan edadnan. Despues di esey e caredanan pa adulto mes a sigui.