Den e prome oranan di diaranzon, e Centro di Operacion Maritimo di Guarda Costa a nota un contacto sospechoso pazuid rumbo pa Curaçao. Mesora a establece contacto inmediato cu un di e unidadnan Metal Shark, cual a sali cu urgencia pa intercepta e boto aki. A bin resulta un boto ‘yola’, cual a bordo tabata tin 2 homber y 8 muhe tur di nacionalidad venezolano. E personal di Guarda Costa tambe a determina cu e ocupantenan tabata transporta un macaco. E dies personanan indocumenta a ser entrega na Cuerpo Policial di Curaçao, mientras e macaco a ser entrega na autoridad competente di Ministerio di Salud, Medio Ambiente y Naturaleza. E autoridad local lo continua cu e investigacion.