Diahuebs anochi a drenta informe di cu banda di Zara lo tin un homber mal herida cu un kap na cabes ta sangra, mesora a dirigi tanto polis como ambulans na e sitio. Na yegada di e patruya a bin compronde cu e victima a ser maltrata cu un tubo di bicicleta y habri su cabes malamente. Segun testigonan cu a wak 2 homber lo a core tras di e victima pa motibo desconosi. Pero a mira e victima manda boter den direccion di e agresor y esaki a bin maltrate. Ademas e agresor a bay cu e cartera haci bashi y a zwaai esaki. Ora polis a bay recoge e cartera a haya esaki bashi sin placa aden. Polis a pidi ambulans cu urgencia pa hiba e victima hospital pa tratamento. Na e sitio un familiar a yega y keda sorprendi wak nan miembro di familia mal herida. Na yegada di e ambulans nan a atende y transporta e victima hospital cu urgencia.