Diahuebs atardi a drenta informe di un accidente cu hende herida dilanti Watergate na De La Sallestraat, mesora a dirigi tanto polis como ambulans na e sitio. Na yegada di e patruya a bin compronde cu ta un auto a bay dal un persona di edad cu limitacion riba caminda. Debi na e impacto e homber su cabes a bay dal riba e windshield cu un impacto basta fuerte. Na yegada di e ambulans nan a atende e victima y a transporte cu urgencia pa hospital. Den oranan di anochi a drenta informe di cu e homber a fayece. Na famia di e fayecido ta bay nos mas sincero palabranan di condolencia.