Diasabra madruga a drenta informe di un accidente basta fuerte cu hende herida na Savaneta, mesora a dirigi tanto polis, ambulans como tambe bombero na e sitio. Na yegada di e patruya a bin compronde cu e dama chauffeur di un Mitsubishi Outlander tabata coriendo bao influencia di alcohol y a bay na e banda robes di caminda bay dal frontal riba un Honda City di direccion contrario bayendo pa trabao. Debi na e impacto e dama chauffeur di e Mitsubishi so lo a resulta levemente herida pero a nenga atencion di ambulans. Na yegada di e bomberonan nan a desconecta e wayanan di bateria pa evita “kortsluiting”. Polis a pone e dama supla y a bin descubri cu e dama ta bao influencia y a detene. E autonan a keda basta kibra.