Diahuebs madruga a drenta informe di un caso lamentable unda un peaton a ser ataca y benta abao den Mandarinstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di 3 cacho cu a bin ataca e homber y a bente abao lague herida cu dolornan di lomba debi na e caida. Na yegada di e ambulans nan a atende y a transporte pa hospital. Ley di cacho a pasa pero esaki mas bien ta un ley sin pia y sin cabes. Nos tur ta paga belasting y no tin e proteccion debido di ley. Por ehempel: Cachonan den nan cura ta core blaf hendenan ora ta pasa dilanti casnan y ta spanta nan dunando problema na curason y hasta mandandonan door di e susto te riba caminda y auto por pasa dalnan y of cay cu por causa daño na e pober peaton. Persigui hendenan riba bais, scooter of brommer heridando nan mes. Si bo tin cacho den bo cura mes bo ora di dun’e cuminda bo ta yamandonan bin come den bo cura y asina por sigi menciona. Ta pica pa mata animalnan pero mester cuminsa un caminda mesora.