Diadomingo mainta a drenta informe di un accidente cu hende herida riba e caminda di Bubali, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Hyundai Tucson no a regula su velocidad ni a mantene distancia a bay dal tras di un Hyundai Accent y consecutivamente ela bay dal tras di un otro auto. Debi na e impacto un persona den e Tucson a resulta herida. Na yegada di e ambulans nan a atende na e sitio mes.