Diamars atardi a drenta informe di un accidente cu hende herida na Paradijs, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Nissan Cube a bira malo y a zwaai riba caminda bay dal riba un Nissan March staciona. Debi na e impacto e chauffeur a resulta herida y tabata sangra pa boca. Na yegada di e ambulans nan a atende e victima y a transporte pa hospital.