Diahuebs madruga a drenta informe di un accidente cu hende herida banda di Superfood na Bubali, mesora a dirigi tanto polis como ambulans na e sitio. Na yegada di e patruya a bin topa cu un Nissan March pega riba e vangrails y e chauffeur inconciente drumi den e auto. Locual a compronde ta cu e chauffeur probablemente intoxica cu alcohol of algo otro lo a pega soño baha caminda y a bay dal e vangrails. Na yegada di e ambulans nan a logra lanta e chauffeur y a transporte pa hospital.