Diabierna mainta a drenta informe di un accidente cu hende herida dilanti di Economic Center na Sero Blanco, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un Suzuki Swift biniendo di nort a bay bira na man robes net ora cu un motociclista ta bay pas’e y nan a dal den otro y motociclista a dal abao y lastra riba e vloer y keda herida abao benta. Na yegada di e ambulans nan a atende e motociclista y a transporte pa hospital.