Diabierna anochi a drenta informe di un accidente na Pos Abao, mesora a dirigi un patruya na e sitio. Na yegada di e patruya a bin compronde cu aki ta trata di un accidente riba e caminda di Pos Abao pa Hato unda e chauffeur di un auto di huur no a regula su velocidad ni a mantene distancia a bay dal tras di e pick-up. Aunke e pick-up no a haya mucho daño e auto di huur si a haya hopi daño na su bumper. Afortunadamente ningun hende a resulta herida.