Awe nos siman nobo ta sigui ranka bai, cu hopi biento.
Nos ta gradici nos bon Dios cu ta cana cu nos unda cu nos kier bai.
Nos kier pidi orasion pa tur e fayecidonan den e guera cu a caba di cuminsa na Iran.
Hopi ta esnan cu ta pasa den hopi amargura y ta keda sin hogar, sin awa sin cuminda.
Otro ta perde famia, y keda den tristesa.
Tambe nos kier pidi hopi oracion pa nos hendenan na nos pais bisinja cu tambe a sufri hopi cu e tanto tempo di dictadura, masha hopi preso politico.
Mester uni den oracion mundial pa trese e trankilidad bek na mundo.
Un mundo hopi tambaliando pa tur e bomnan cu ta sacudie tur biaha y ta trese un instabilidad den e infrastructura cu ta trese mas secura y mas cambionan drástico den su structura.
Tur dia mas y mas nos ta sinti di consecuencianan.
Nos no por hasi mucho den e maneho di politica mundial, pero si nos oracion pa pidi nos Sen̈or pasa man na sinti di esunan cu tin e poder den nan man.