Dialuna madrruga a drenta informe di un accidente hit & run na Tamarijn, mesora a dirigi un patruya na e sitio pero un rato despues a drenta un otro informe di cu e vehiculo encuestion a yega cas di su omo na Sero Lopes y a dirigi e patuya eynan ya cu e chauffeur lo ta herida. Ambulans tambe a ser dirigi na e sitio unda un chauffeur tabata wardando. Na yegada nan a bin compronde cu e chauffeur a spanta despues di a perde control y a dal su auto full rond riba un transhi na Tamarijn a core bay ey cerca su omo pa busca ayudo. Ambulans a atende e chauffeur y a hib’e hospital mientras polis a tuma e detayenan di e accidente aki.