Diasabra prome cu mey anochi a drenta informe di un accidente cu hende herida yegando rotonde Cumana biniendo for di Sero Patrishi riba E.J. “Watty” Vos blvd., mesora a dirigi tanto polis como ambulans na e sitio. Na yegada di e patruya a bin compronde cu yegando e rotonde e chauffeur a bay demasiado na man robes y a bay dal riba e muraya di separacion di e camindanan. Debi na e impacto aki e chauffeur a resulta herida. Na yegada di e ambulans nan a atende e chauffeur herida.