Diasabra atardi informe di un accidente cu hende herida na Schotlandstraat, mesora a dirigi tanto polis, ambulans y tambe bombero como lo tabata tin hende pega den auto. Na yegada di e patruya a bin compronde cu aki ta trata di un accidente unda cu un auto color blauw biniendo for di Bushiri pariba a subi sin duna preferencia na e Mitsubishi Lancer bayendo nort mande bay dal na e porta di ASD y un auto Chevrolet Captiva di nort a desvia na man drechi y tambe a dal na e porta y a bay pega bao un container. Debi na e impacto 2 persona no por a sali na e prome instante. Na yegada di bombero a yuda nan sali sin a usa equiponan di rescate. Na yegada di e ambulans a atende e victimanan na e sitio mes. Pa locual ta e auto blauw a sigui core bandona e sitio pero debi na e grabacion di e accidente polis a logra haya sa ta cual auto e ta y lo bay p’e si e no entrega su mes na un di e wardanan di polis.