Diamars atardi a drenta informe di un accidente na Savaneta banda di La Granja, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di un Toyota Yaris no a regula su velocidad ni a mantene distancia a bay dal tras di un Hyundai Elantra. Afortunadamente ningun hende a resulta herida pero e chauffeur di e Yaris no tabata desea pa yama polis ya cu su papelnan no tabata na ordo.