Accidente semi-frontal riba caminda di Paradera pabao di Pacifico

Diamars anochi a drenta informe di un accidente cu hende herida riba pabao di Pacifico Paradera, mesora a dirigi tanto polis como ambulans pa e sitio. Na yegada di e patruya a bin constata cu aki ta trata di un accidente semi-frontal unda cu un Chevrolet Aveo shinishi A-27848 lo a bay riba trafico contrario y dal den un Kia Rio cora A-58358. Ambos e chauffeur como e pasahero di e Kia Rio a resulta herida. Ambulans a presenta na e sitio y a atende cu e heridos y transporta nan pa hospital. E chauffuer di e Chevrolet Aveo como tambe un otro persona cu a stroba trabao di polis a keda deteni y a ser hiba na warda di polis.

Share:

Leave a Reply

Your email address will not be published.