Nos bon deseo y nos inspiracion pa por logra lo maximo riba otro dia regalo di nos bon Dios.
Nos alma ta adora nos bon Dios cu ta inspira nos cu tur loke nos por hasi cada dia di nobo.
Mescos cu nos alma ta adora Dios y gradici pa e rosea di tur dia, simplemente pa ta un di e escogidonan.
Nos escudo y nos spada por enfrenta tur e malhechornan cu kier hasi nos malo.
Nos regalo di mas valioso ta Hesus, cu pa medio di dje so por jega serca Señor.
No laga cosnan negativo kibra bo dia, ni kibra bo curason.
Laga hendenan amarga un banda, paso nan deseo ta pa mirabo kibra y ora nan logra mesora ta bira lomba pabo.
Ora cu bo por ta sintibo bandona, agota y bo ta kere bo ta boso, cu ningun alma pa sacabo di unda bo ta, corda bo tin un amigo Dios.
Ta esun cu jamas ta laga bo so, e no ta bira lomba pa bo y es mas e tin un bunita plan pabo tambe.
E por laga bo pasa den e kloof di mas skur, pero leuw aya tin e luz di speransa ta warda bo.
Nos tin mas cos bunita den nos mundo cu nos por pensa, ta rondona nos.
E poco cu nos tin, tin biaha ta hasi hopi mas felis cu hopi cu tin mas cu nos, esaki danki na nos Dios.