Diadomingo madruga a drenta informe di un accidente riba e caminda di Hato, mesora a dirigi un patruya pa e sitio. Na yegada di e patruya a bin compronde cu aki ta trata di un accidente unda cu un chauffeur di un Kia Sportage a baha caminda y a bay dal riba un palo di lus y a bay cay den e greppel. Afortunadamente e chauffeur no a resulta herida pero e auto si no por a sigui core mas riba su propio forsa y mester a busca un takelwagen pa hib’e su cas, Elmar a ser avisa di e accidente aki y a presenta pa haci e reparacionnan necesario.