Diadomingo anochi a drenta informe di un accidente cu hende herida dilanti Hoe Hin Supermarket na Sabana Liber, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un chauffeur burachi no a regula su velocidad ni a mantene distancia a bay dal tras di un Nissan March y a laga e chauffeur herida. Polis a nota cu e chauffeur ta burachi y a detene. Na yegada di e ambulans nan a atende e victima y a transporte pa hospital.