Diadomingo atardi a drenta informe di un accidente cu hende herida na cruzada Oranjestraat cu Wilhelminastraat, mesora a dirigi tanto polis como ambulans na e sitio. Na yegada di e patruya a bin compronde cu un Hyundai Accent di Oranjestraat no a duna preferencia na un Kia Picanto di Wilhelminastraat. E impacto tabata masha duro cu e Hyundai a bira di banda y un persona a resulta herida. Na yegada di e ambulans nan a atende e victima na e sitio mes.