Dialuna merdia a drenta informe dinun accidente cu hende herida riba E.J.”Watty” Vos Blvd. na altura di e bahada di brug di Hato rumbo Ponton, mesora a dirigi tanto polos como ambulans na e sitio. Na yegada di e patruya a bin compronde cu aki lo ta trata di un accidente entre un Suzuki Ciaz y un Suzuki Ignis unda e Ciaz a bay dal tras di e Ignis mande bay dal na e rand di afo. Debi na e impacto 2 hende a resulta herida. Na yegada di e 2 ambulansnan nan a atende e victimanan y a transporta nan pa hospital.