Diadomingo marduga a drenta informe di un accidente cu hend herida na e birada banda di e Santana di Santa Cruz, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di un Honda City lo a perde control na e birada pabao di Santana y a bay dal un cura di cas kibra. Debi na e fuerte impacto e chauffeur a keda herida. Na yegada di e ambulans nan a atende y a transporte pa hospital.. Bomberonan a ser pidi pa bini na e sitio pa kita e azeta cu a ser plama riba caminda despues di e daño.