Diaranson anochi a drenta informe di un accidente cu hende herida na Huang Bo Super Center na Sero Alejandro, mesora a dirigi tanto polis como ambulans na e sitio. Na yegada di e patruya a bin compronde cu e dama chauffeur dado momento durante cu e ta stuur su bril lo a cay y sin para e auto e a para ta busca y busca te perde control y dal riba un palo di lus. Debi na e impacto ela haya dolor na su pecho. Na yegada di e ambulans nan a atende y a transporte pa hospital.