Diadomingo mainta a drenta informe di un accidente cu hende herida banda di Palm Beach Plaza. Mesora a dirigi tanto polis como ambulans na e sitio. Na yegada di e polis a bin compronde cu aki ta trata di un accidente pa falta di preferencia unda Nissan Sunny di huur biniendo for di Holiday Inn no a duna preferencia na e Ford Figo tambe di huur biniendo for di Marriott y nan a dal den otro. Debi na e impacto fuerte tanto e chauffeur como un dama ocupante na estado a resulta herida. Na yegada di e ambulans nan a atende e victimanan y a transportanan pa hospital.
Pregunta na Awe24:
Pakico boso no skirbi den asuntonan aki si hende tabata usa e seatbelts si of no? Si mi ta wak e daño, eigenlijk e ta casi imposibel hende lo haya lesionan asina grandi pa mester bay hospital. Pa tur di nos seguridad den trafico, yuda bo lesadornan pa bira consciente pa usa nan seatbelt.
Bon tardi danki pa bo opinion, pero tin hopi mas informacion di cada caso unda ta prohibi nos (prensa) pa haya tur e detayenan ey y hasta ta autoridad ta haci fastioso ora nos ta acerca y papia cu esnan envolvi (herida)!