Diamars atardi a drenta informe di un accidente riba lama entre dos waverunner dilanti Amsterdam Manor y nan ta treciendo e victimanan na canto, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di dos turista riba nan respectivo waverunner y cu na dado momento nan a dal den otro y ambos a resulta herida. Na yegada di e ambulans nan a atende e victimanan y solamente un a ser hiba hospital.
