Awe a conclui cu e curso di Baseball5 duna door di entrenadornan profesional di World Baseball Softball Confederation (WBSC). Durante 3 dia di curso intensivo, alrededor di 25 participante a ricibi un gran cantidad di conocemento y oportunidad di por aplica, como a haci sesionnan di teoria ademas di subi tereno pa asina practica e diferente tecnicanan pa por hunga Baseball5. Como futuro instructornan di e deporte na nivel di scol te cu grandi, ta importante pa por compronde tur e diferente aspectonan relata na e disciplina deportivo aki, cu sigur a wordo bon splica a traves di e curso aki.
Comite Olimpico Arubano (COA) cu a percura pa haci e conexion aki cu WBSC pa por a organisa e curso hunto cu IBiSA, ta gradici tur e participantenan cu ta docente nan di movecion y salud, miembronan di IBiSA y di e federacionnan miembro ABBA y ASB pa a mira e importancia di ta parti di e curso aki, pa asina duna Baseball5 e inicio pa por desaroya e deporte na Aruba. Den nomber di tur esnan cu ta parti di e curso aki y di Baseball5, ta gracidi WBSC pa nan aporte y na compromiso pa yuda Aruba desaroya y eleva e nivel di deporte na Aruba.
#WBSC #Baseball5 #COA #IBiSA #Sports
