Diamars pa 3:23 di atardi un control rutinarion den cel di detenidonan na Warda di Polis Shaba ta encontra cu un detenido for di tino y no ta reacciona.

Di biaha ta notifica Chef van Dienst y na su turno ta yama y pidi pa ambulance.

Ambulance ta yega na Warda di Polis Shaba ta duna assistencia medico na e hende homber y ta transporte di biaha pa hospital.

Diaranson den oranan di madruga polis ta wordo notifica cu su situacion a empeora y a fayece.

Ta trata di e hende homber di inicial J.C. Croes naci na Republica Dominicana ariba 16 di februari 1974.

Como procedura normal, e caso aki ta bao investigacion di Landsrecherche y Ministerio Publico.

Cuerpo Policial Aruba ta manda palabra di condolencia na famia di e fayecido.