Diahuebs mainta a drenta informe di un accidente cu hende herida dilanti di Bondia Supermarket na Cumana, mesora a dirigi tanto polis como ambulans na e sitio. Na yegada di e patruya a bin compronde cu e pick-up Isuzu Double-Cab a bay crusa dilanti un Hyundai Accent bahando di pariba y a dal e pick-up net patras den banda di e baki y a drei e rond un parti. Debi na e fuerte impacto e dama den e Accent a resulta herida. Na yegada di e ambulans nan a atende pero e dama mes a firma cu e no kier bay hospital.