Oranjestad – Den cuadro di e areglo di subsidio Legacy to Future Funds, lo organisa sesionnan informativo. E reunionnan aki ta destina tanto pa fundacionnan cu a entrega un peticion di subsidio caba, como pa organisacionnan cu ta considera di haci un peticion.

Durante e sesionnan, participantenan lo ricibi splicacion amplio tocante e areglo di subsidio y e posibilidadnan pa haya sosten financiero. Entre otro, lo trata e siguiente temanan:

• E diferente categorianan di subsidio y e actividadnan cu por bini na remarca pa subsidio;
• E condicionnan y criterionan cu peticionnan di subsidio mester cumpli cu ne;
• Con pa entrega un peticion di subsidio y con e proceso di evaluacion ta tuma luga;
• E proximo periodonan pa entrega peticion di subsidio, cu atencion special pa categoria 1, cu lo habri na november;
• E exigencianan pa duna cuenta di e gastonan y actividadnan realisa, tanto na nivel financiero como di contenido.

Un parti importante di e sesionnan ta e oportunidad cu participantenan lo tin pa haci pregunta na e representantenan cu ta envolvi den ehecucion di e areglo di subsidio.

Cu e sesionnan informativo aki, Legacy to Future Funds kier contribui na un miho comprension di e regeling di subsidio, pa asina fundacionnan y organisacionnan por prepara nan mes miho pa haci uzo di e posibilidadnan di subsidio.

E sesionnan di informacion lo tuma luga na diferente isla den e parti Caribe di Reino Hulandes.

Na Aruba  e sesion lo tuma luga:

Fecha: Diaranson  28 di october 2026

Ora: 6:00 PM – 8:00 PM

Lugar: Cas di Cultura

Pa registra pa participa, por haci uzo di e siguiente link:

https://forms.cloud.microsoft/e/FBLsbpD29f?origin=lprLink

Pa mas informacion, por manda un mensahe via WhatsApp na +5999 5631863.