Accidente cu hende herida panort di e rotonde di Jaburibari

Diahuebs atardi a drenta informe di un accidente cu hende herida riba e caminda panort di rotonde Jaburibari, mesora a dirigi polis na e sitio. Na yegada di e patruya a bin encontra un dama sin ningun documento ta splika cu e tabata tow un quadracer y bahando e seroe esaki no a break y a swing den banda bloter cu un persona riba dje y esaki a causa cu e auto a spin tambe. E persona herida no por a warda pa ambulans y a bay cu auto particular hospital. Polis a sera e caminda temporario pa por a tira santo riba e azeta cu a basha for di e quadracer. Donjo di e vehiculo a aparece pero e auto no tini papelnan na ordo. Polis a duna e donjo chance di hiba e vehiculo su cas pa evita esaki wordo confisca ya cu su documentonan no ta na ordo.

Share:

Leave a Reply

Your email address will not be published. Required fields are marked *