Diamars mainta a drenta informe di un accidente cu hende herida dilanti Jontai na Cumana, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un motociclista cu un mucha muher riba e brommer a bay pasa un auto na man drechi net ora esaki ta bira y a dal den banda di e auto birando y nan a cay y e brommer a keda raspa un distancia riba e parkinglot. Debi na e caida e mucha muher a resulta mas herida. Na yegada di e ambulans nan a atende e mucha muher y a transporte pa hospital. Polis a tuma e brommer y a hib’e Balashi pa e motociclista presenta e papelnan na ordo.