![](https://www.awe24.com/wp-content/uploads/2019/10/A53C0FB3-29F4-42AD-9569-2C139B3C87D3-668x334.jpeg)
Diaranzon anochi a drenta informe di un accidente riba Weststraat pabao di Royal Plaza, mesora a dirigi un patruya na e sitio. Na yegada di e patruya a bin compronde cu aki ta di un accidente unda cu e chauffeur di un s.u.v. cu no tin e papelnan di e auto na ordo no a regula su velocidad ni a mantene distancia a bay dal tras di un pick-up. Afortunadamente ningun hende a resulta herida. Polis a confisca e vehiculo te ora cu e donjo pone e documentonan di e auto na ordo.