Mainta tempran ladron a horta cartera di peaton

Diahuebs mainta presencia di polis a wordo pidi den area di Madiki unda cu un persona lo a wordo horta of atraca. Esaki a sosode un poco despues di 8’or di mainta.
Esaki a sosode den bisindario Bo Chang Wing Supermarket den Weststraat. Polisnan cu a bay na e sitio y ta topa cu habitantenan a pone e cabayero victima sinta paden pasobra e lo a spanta absta cu loke a pasa cun’e. Ta parce cu den un di e cayanan banda di e supermarket un homber a ranca su cartera for di dje. Cuanto placa tabatin den esaki, e no por a bisa exactamente.
Loke tabata remarcabel ta cu dilanti e supermercado a haya diferente carchi di e ciudadano aki plama tur rond, pero e cartera mes no a haya. A keda di wak camaranand en bisindario pa mira kende ta e ladron.

Share:

Leave a Reply

Your email address will not be published.